Daha nağıllara inanmıram men
Çapıb öz atını Ağ atlı getdi,
Atları şimşekden qanadlı getdi,
Uşaq yaddaşımı qanatdı getdi,

Daha nağıllara inanmıram men.
Nenemin inamı, derdi nağıllar
Namerde aldatdı merdi nağıllar,
Bizi yuxulara verdi nağıllar,

Daha nağıllara inanmıram men
Uşaq ovutmağa bir noğul idi,
Sözlerde yaşayan bir ağıl idi,
Yaxşı adamlar da bir nağıl idi,

Daha nağıllara inanmıram men
“Sim Sim” i sözle yox zorla açdılar,
Tilsimi min cüre yolla açdılar,
Him – cimi möhürlü qolla açdılar,

Daha nağıllara inanmıram men
Fatmalar ayağı kendirde qalmır,
Xemrimiz küt gedir, tendirde qalmır,
Qarğalar tülküye daha aldanmır,

Daha nağıllara inanmıram men
Acı heqiqetler bal dadır indi,
Arısı olmayan bal satır indi,
Keçeli saçlılar aldadır indi,

Daha nağıllara inanmıram men
Ele yuxularda atlar kişnedi,
Divleri qazana saldım, bişmedi.
Gözledim, göylerden alma düşmedi.
Daha nağıllara inanmıram men!...

Nusret Kesemenli

داها ناغیللارا اینانمیرام من

چاپیب اوز آتینی آغ آتلی گئتدی
آتلاری شیمشكدن قاناتلی گئتدی
اوشاق یادداشیمی قاناتدی گئتدی
داها ناغیللارا اینانمیرام من

ننه مین اینامی، دردی ناغیللار
نامرده آلداتدی مردی ناغیللار
بیزی یوخولارا وئردی ناغیللار
داها ناغیللارا اینانمیرام من

اوشاق اووتماغا بیر نوغول ایدی
سوزلرده یاشایان بیر آغیل ایدی
یاخشی آداملاردا بیر ناغیل ایدی
داها ناغیللارا اینانمیرام من

((سیم- سیم))ی سوزله یوخ، زورلا آچدیلار
تیلسیمی مین جوره یوللا آچدیلار
هیم- جیمی موهورلو قوللا آچدیلا
داها ناغیللارا اینانمیرام من

فاطمالار آیاغی كندیرده قالمیر
خمیریمیز كوت گئدیر، تندیرده قالمیر
قارغالار تولكویه داها آلدانمیر
داها ناغیللارا اینانمیرام من

آجی حقیقت لر بال دادیر ایندی
آری سی اولمایان بال ساتیر ایندی
كئچلی ساچلی لار آلدادیر ایندی
داها ناغیللارا اینانمیرام من


ائله یوخولاردا آتلار كیشنه دی
دئولری قازانا سالدیم، پیشمه دی
گوزله دیم، گویلردن آلما دوشمه دی
داها ناغیللارا اینانمیرام من

یازان:  نصرت كسمنلی