Ömürdən bir gün də...
Ömürdən bir gündə keçdi, beləcə,
Yarı yuxuludur,
Yarı oyaqdır.
Duyğular qoynunda ötən hər gecə
Kiminsə ömrünə qayıdacaqdır.

Ömürdən bir gündə keçdi, beləcə;
Bir gün de gecədə pul kimi itdi.
Peşiman bir gözəl qayıtsın necə,
Özünü bir qəlbdə öldürüb getdi..
.
Ömürdən bir gündə keçdi, beləcə,
Dumanlar içində yuxudu bəlkə.
Kimsə bu günümə bəlkə güləcək,
Kimse yazdığımı oxudu getdi...

Ömürdən bir gündə keçdi, beləcə,
Getdi...
Bir ümidə güman azaldı.
Bir xəstə bildi ki, mütləq öləcək,
Deməli, möcüzə uman azaldı.

Ömürdən bir gündə keçdi, beləcə,
Qəbristan yoluna təzə iz düşdü.
Bir ana bətninin qaranlığından
Çarpayı üstünə bir gündüz düşdü.

Ömürdən bir gündə keçdi, beləcə,
Yaş bir balıq kimi sürüşür günlər,
Axan ulduzlarla ağlayır gecə,
Doğan günəşiylə gülüşür günlər.

Ömürdən bir gündə keçdi, beləcə,;
Bir kəl buynuzuna görən nə doldu?!
Birini sükanda haqladı əcəl,
Bir bağa çanağı kül qabı oldu.

Ömürdən bir gündə keçdi, beləcə,
Ömür kitabında vərəqlər ağdı,
Qapqara kölgəmdən bezib bu küçə,
Kölgəmi səkilər aparacaqdı...

Ömürdən bir gündə keçdi, beləcə,
Səhəri güneşli,
Axşamı qürub.
Ömürdən bir gündə keçdi, beləcə,
Görəsən qarşıda hansı gün durub?!

Nüsret Kesemenli

اؤموردن بیر گون ده...

اؤموردن بیر گونده كئچدی، بئله‌جه،

یاری یوخولودور،

یاری اویاق‌دیر.

دویغولار قوینوندا اؤتن هر گئجه

كیمینسه اؤمرونه قاییدا‌جاق‌دیر.

 

اؤموردن بیر گونده كئچدی، بئله‌جه؛

بیر گون دئ گئجه‌ده پول كیمی ایتدی.

پئشیمان بیر گؤزل قاییتسین نئجه،

اؤزونو بیر قلبده اؤلدوروب گئتدی..

.

اؤموردن بیر گونده كئچدی، بئله‌جه،

دومان‌لار ایچینده یوخودو بلكه.

كیمسه بو گونومه بلكه گوله‌جك،

كیمسئ یازدیغیمی اوخودو گئتدی...

 

اؤموردن بیر گونده كئچدی، بئله‌جه،

گئتدی...

بیر اومیده گومان آزالدی.

بیر خسته بیلدی كی، موتلق اؤله‌جك،

دئمه‌لی، معجزه اومان آزالدی.

 

اؤموردن بیر گونده كئچدی، بئله‌جه،

قبریستان یولونا تزه ایز دوشدو.

بیر آنا بتنی‌نین قارانلیغین‌دان

چارپایی اوستونه بیر گوندوز دوشدو.

 

اؤموردن بیر گونده كئچدی، بئله‌جه،

یاش بیر بالیق كیمی سوروشور گون‌لر،

آخان اولدوزلارلا آغلاییر گئجه،

دوغان گونشیله گولوشور گون‌لر.

 

اؤموردن بیر گونده كئچدی، بئله‌جه،؛

بیر كل بوینوزونا گؤرن نه دولدو؟!

بیرینی سوكاندا حاقلادی اجل،

بیر باغا چاناغی كول قابی اولدو.

 

اؤموردن بیر گونده كئچدی، بئله‌جه،

اؤمور كیتابیندا ورق‌لر آغدی،

قاپقارا كؤلگم‌دن بئزیب بو كوچه،

كؤلگمی سكی‌لر آپارا‌جاقدی...

 

اؤموردن بیر گونده كئچدی، بئله‌جه،

سهری گونئش‌لی،

آخشامی قوروب.

اؤموردن بیر گونده كئچدی، بئله‌جه،

گؤره‌سن قارشیدا هانسی گون دوروب؟!

 

نوسرئت كئسئمئن‌لی