ayrılıq
diyə sən yolumuz ayrıldı bizim
ürək o əvvəlki həvəs də deyil
ayrılıq oxuyur , ındı hər sözün
dinlə sən sözüdə , mən özüm deyim
yürğün , yolçulara bənzədim nə qəm
yollar ayağımdan , tütüb , sürünür
mənzilim uzaqdır , asta gedirəm
səninsə , mənzilin daha görünür
üfüqda nə yaman qızardı belə
bəlkə məhəbbətin qurub çağıdir ?
ömrümdən neçə ıl vermişm yelə
tale də bir yandan verib dağıdır !
oçurdum göylərin yeddi qatında
axan olduzları , göydə tütürdüm
hər gecə xıalın qanadlarında
günəşdə yatırdım « ay » da yatırdım
yox daha səbrimdə çatıb sahilə
getmə rəm mən « ay » ya olduza kimi
eşqimi bir dəniz atıb sahilə
ərıyır daş üstə , meduaz kimi
adını qəlbimdən , siləcək sənin
xıyalın göylərdən turpağa ənıb
bəlkə də taleyin güləcək sənin
nifrətim bir yazı puzana dönüb
adını qəlbimdən siləcək sənin
yamanca itirdik , günlərimizi
hə , daha itirmk , qürxüsü yüxdü
külək lər yolurdu , güllərimizi
yolunmuş ləçəyin , qürxüsü yüxdü
günləri , inci tək , salıb itirdik
nə qədər axtardıq , tapa bilmədik
bir çevrə xəttini tütüb gedirdik
ha getdik sununa çata bimə dik
gecə ni gündüzə qatıb gedirdik
buda ömrümüzə , bir yazı imiş
ömid ay ışığını , tütüb gedirdik
çatanda gördük ki , qurd gözüymüş
ürəkdə bir köyrək xatirə ızı
axır ki mənzilin sununa gəldik
biz düyün salmışdıq taleymizi
yaxşı ki vaxtında açıla bildik
ayrılıb gedirsn dolur gözlərin
sününcü nidatək qirilir səsin
barıbundan belə , sənin ızlərın
mənim izlərimə düyün düşmə sin
آیریلیق
دییه سن یولوموز آیریلدی بیزیم
اورك او اوول كی هوس ده دئییل
آیریلیق اوخویور ، ایندی هر سؤزون
دینله سن سؤزوده ، من اؤزوم دییم
یورغون ، یولچولارا بنزدیم نه غم
یوللار آیاغیمدان ، توتوب ، سورونور
منزیلیم اوزاقدیر ، آستا گئدیرم
سنین سه ، منزیلین داها گؤرونور
افق دا نه یامان قیزاردی بئله
بلكه محبتین غروب چاغی دیر ؟
عومرومدن نئچه ایل وئرمیشم یئله
طالع ده بیر یاندان وئریب داغیدیر !
اوچوردوم گؤیلرین یئددی قاتیندا
آخان اولدوزلاری ، گؤیده توتوردوم
هر گئجه خیالین قانادلاریندا
گونشده یاتیردیم « آی » دا یاتیردیم
یوخ داها صبریم ده چاتیب ساحیله
گئتمه رم من « آی » یا اولدوزا كیمی
عشقیمی بیر دنیز آتیب ساحیله
ارییر داش اوسته ، مئدواز كیمی
آدینی قلبیمدن ، سیله جك سنین
خیالین گؤیلردن تورپاغا انیب
بلكه ده طالعین گوله جك سنین
نفرتیم بیر یازی پوزانا دؤنوب
آدینی قلبیمدن سیله جك سنین
یامانجا ایتیردیك ، گونلریمیزی
اه ، داها ایتیرمك ، قورخوسو یوخدو
كولك لر یولوردو ، گوللریمیزی
یولونموش لچه یین ، قورخوسو یوخدو
گونلری ، اینجی تك ، سالیب ایتیردیك
نه قدر آختاردیق ، تاپا بیلمه دیك
بیر چئوره خطینی توتوب گئدیردیك
ها گئتدیك سونونا چاتا بیمه دیك
گئجه نی گوندوزه قاتیب گئدیردیك
بودا عومروموزه ، بیر یازی ایمیش
اومید آی ایشیغینی ، توتوب گئدیردیك
چاتاندا گؤردوك كی ، قورد گوزوایمیش
اوركده بیر كؤیره ك خاطیره ایزی
آخیر كی منزیلین سونونا گلدیك
بیز دویون سالمیشدیق طالعیمیزی
یاخشی كی واختیندا آچیلا بیلدیك
آیریلیب گئدیرسن دولور گوزلرین
سونونجو ندا تك قیریلیر سسین
باری بوندان بئله ، سنین ایزلرین
منیم ایزلریمه دویون دوشمه سین