əgər yuxuydusa  .  .  .

ağ bir dünyaydı  ,  ogünkü dünya

«  ay » da köksüm üstə düşmüşdü ogün

bəlkə həyatıdı bəlkə də röya

açıldı yaxası  ,  mavı bir göyün

nağıla düşmüşdüm bir ağ nağıla

orəyim ovcumun içində vürdü

hisslər yer vermədi ogün ağıla

bir olva xumarla  ,  qarşımda durdu

dünya ozu buyda  ,  qar yağdırmışdı

yandırdım bu bəyaz ağlıq içində

dünya yamanlığı yadırğamışdı

təmənna yoxudu sağlıq içində

buludlar gözünü sixmirdi daha

gözü yümülüydü duyğuların da

heç kəs mətaını satmırdı baha

aydınlıq görürdü  ,  yuxularında

şirin lik axırdı bulağ dan ogün

künlüm su gölündə çimirdi  ,  nə qəm

dedim uca dağlar sizdə diz çökün

bu gün mənsizlərdən yüksəyəm

sözümə baxırkən  ,  bəyaz təpələr

sünbül şəlalələr  ,  üstümə axdı

ah nə lər yazıldı ömrümə nələr

nə deyim süyləmək bəlkə günahdı  !

köksümdə gül açdı çağladı yazım

o yazı dünyanın baharı sandım

o həyat idisə yüxü nə lazm  ?

əgər yuxuydusa niyə oyandım  ?  !

 

 

اگر یوخویدوسا ...

آغ بیر دونیا ایدی ، اوگونكو دونیا

« آی » دا كؤكسوم اوسته دوشموشدو اوگون

بلكه حیات ایدی بلكه ده رؤیا

آچیلدی یاخاسی ، ماوی بیر گؤیون

ناغیلا دوشموشدوم بیر آغ ناغیلا

اوره گیم اووجومون ایچینده ووردو

حس لر یئر وئرمه دی اوگون آغیلا

بیر علوی خومارلا ، قارشیمدا دوردو

دونیا اوزو بویدا ، قار یاغدیرمیشدی

یاندیردیم بو بیاض آغلیق ایچینده

دونیا یامانلیغی یادیرغامیشدی

تمنا یوخ ایدی ساغلیق ایچینده

بولودلار گؤزونو سیخمیردی داها

گؤزو یومولویدو دویغولارین دا

هیچ كس متاعینی ساتمیردی باها

آیدینلیق گؤروردو ، یوخولاریندا

شیرین لیك آخیردی بولاغ دان اوگون

كونلوم سو گؤلونده چیمیردی ، نه غم

دئدیم اوجا داغلار سیزده دیز چؤكون

بو گون من سیز لردن یوكسه یم

سؤزومه باخیركن ، بیاض تپه لر

سونبول شلاله لر ، اوستومه آخدی

اه نه لر یازیلدی عومرومه نه لر

نه دئییم سویله مك بلكه گوناهدی !

كؤكسومده گول آچدی چاغلادی یازیم

او یازی دونیانین باهاری ساندیم

او حیات ایدیسه یوخو نه لازم ؟

اگر یوخویدوسا نییه اویاندیم ؟!